महायज्ञका लागि मण्डप बनाउने नाममा दलितको घरमा डोजर चलाएको विरोधमा काठमाडौंमा प्रदर्शन भएको छ। मार्च २१ अर्थात् अन्तर्राष्ट्रिय जातीय विभेदविरुद्धको दिवसका अवसरमा दलितका लागि दलित अभियान नेपालले विरोध प्रदर्शन गरेको हो।

सिराहाको औरही गाउँपालिकाका दीपक मल्लिक (डोम)को घरमा महात्यागी भनिने बजरंगी बाबाको निर्देशनमा डोजर चलाइएको थियो। घटनाको तथ्य तोडमोड गर्न दीपकको फर्जी मन्जुरीनामासमेत गराइएको उक्त घटनाको विरोधमा दलित अभियानकर्मीहरूले माइतीघर मण्डलामा विरोध प्रदर्शन गरेका हुन्।